نكت على مزاجك

مرة واحد دخل في رجلة مسمار معرفش يطلعه تناه


مرة واحد كل ما يشوف البرق يضحك ليه؟ عشان يطلع حلو في الصورة


واحد كهربائي أتجوز أربعة.. جابلهم مشترك



صعيدي ضاعت محفظته راح يدور عليها بلغ في القسم الضابط بيقولوا ما تقلقش يا بلدينا هنجبهالك من تحت الأرض، وبعد ما خرج من القسم شاف الناس بيحفروا للخط بتاع المترو.. الصعيدي قالهم الهمة يا رجالة سودة وفيها سوستة



كان في واحد شكله وحش قوي قوي عايز يتجوز فراح وأتقدم لواحدة فابيقول لأبوها: أنا يا عمي بلا فخر عملت نفسي بنفسي، فرد عليه: ما أنا برضة بقول استحالة تكون خلقه ربنا.



واحد جزمجي زعل. جت له جزمة نفسية



جزمجي أبنه مات. نزل له في الجريدة نص نعل.



واحد جزمجى أبوه مات.. جه يعمل له أربعين طلع ضيق عليه.. عمل له 42



واحد جاله هبوط الدكتور كتبله على براشوط



واحد صعيدي ركب دماغة داس على طفل صغير



واحد بلديتنا كسب 60 مليون دولار اشترى رونالدو



مرة واحد بلدياتنا نام بالمقلوب صحي رجله معمصة



مرة مسئول كبير راح يفتتح حمام سباحه كبير في الصعيد فكان مدير الحمام بيشرح له مميزات الحمام فقال ده يا فندم المنط العشرين متر اطلع يا محمدين نط فنط، وده يا فندم المنط الأربعين متر اطلع يا حسنين نط فنط، فقال المسئول هايل هايل، فقاله المدير ولسه كمان يا فندم لما نملاه ميه



مرة واحد صعيدي فتح محل أنابيب بوتاجاز. فجر أنبوبتين في وسط البلد دعاية



مرة واحد بلدياتنا وقع من الطيارة دخلت في رجله نخلة




مسطول راح يودع فلوسه في البنك لقاه مغلق قام دخل الفلوس من تحت الباب



مره اتنيين مساطيل ماشيين على شريط القطار فواحد بيقول للتاني يآ أخي السلم ده طويل بشكل. رد التاني عليه: اللي مضايقني أن الترابزين واطي أوي



صعيدي مع خطيبته في الكازينو انقطعت الكهرباء. قالتله: يالى بقى أنتهز الفرصة. قام هرب من غير ما يدفع الحساب



صعيدي قالوله بكره عيد الحب قال: يوووه أيه الورطة دي! وده صلاته أزي



بيقولك مرة واحد قرر يرشح نفسه رئيس الجمهورية، مسكوه بتوع أمن الدولة وقالولوا أنت عبيط ولا أيه؟ قالهم هو شرط؟.



مرة اثنين بلدياتنا في الجيش فالصول بيسأل الأول: أيه ده؟ قال له: البندقية يا فندم، قال له: بندقية أيه يا هريدي دي وطنك دي أمك، فراح للعسكري التاني قال له: أيه دي؟ قال له: دي أم هريدي يا فندم



واحد سكران فتح التلاجة وبص للجلي. لقاه بيرتعش: قالوه متخفش هأخد عصير



سكران ماسك الفرخة بتاعته. قاعد يضرب فيها يضرب فيها ويقولها: كل يوم بيض بيض مافيش جبنه



مرة واحد مسطول أوى راجع بيتهم الساعة اتنين بليل، فأخته فتحت له الباب قام ضربها بالقلم على وشها طاخ وقالها كنتي فين لحد دلوقتي




واحد بيقول لخطيبته لما ازمرلك انزلي قالتله هو أنت اشتريت عربية قاللها لا اشتريت زمارة




إليسا وهيفاء ونانسي راكبين قطر وبيكلموا عن فارس أحلامهم ، إليسا قالت: نفسي أتجوز ضابط. وهيفا قالت: نفسي أتجوز صيني. ونانسي قالت: نفسي أتجوز لاعب كرة مشهور. سمعهم واحد متطفل دخل عليهم وقالهم: معاكوا العقيد/ شونج يونج الشهير(بأبو تريكة).



بدوي تزوج بدوية كتب الخيمة بإسمها



فرخة اتجوزت فيل.. جابوا تـشكـِن فيليه



صاحب شركة كادليز دخل في قضيه خرجوه بكافولة



واحد سباك نفسه اتسدت غرقت الشقة



واحد صعيدى راح لواحد بياع تليفزيونات بيسأله عندك تليفزيونات ملونة البياع قال له أيوه راح الصعيدى قايله أدينى واحد أحمر



ندل يبكي في جنازة سألوه تعرفه ؟ قال: لا بس سمعت ان البكاء يعذب الميت



واحد زرع وردة ‏طلعتله أم كلثوم


مرة واحد راح يوكل محامى ‏لقاه صايم


واحد رمى يمين الطلاق على مراته ماجاش فيها


كسلان دخل الامتحان وقع منه القلم ‏سلم الورقة


مرة واحد باع اللى وراه والى قدامه واشترى إللى جنبه



ليه الصعيدي الصغير أذكى من الصعيدي الكبير؟ لأنة مابقالوش كتير صعيدي



عربية كحيانة صاحبها سابها قدام بيت مهجور..‏ليه؟ ‏عاوزها تبقى عربية شبح


واحد خلقه ضاق اداه لأخوة الصغير




_________________

Love is life & If u miss love , you miss life ... Love
is amazing, Love is divine, it is everything
that makes life worthwhile

بانت فضايحى ههههههههههههههههههههه

ازاى ياناصحه مسحتى فضايحى

[center]لا لا لا لا لا لا لا لا

دا سر المهنه يا ناصحه

ع العموم هقولك وأمري علي الله
بس ع الياهو[/center]