عايز ترخم على واحد نايم ؟؟؟

انا جبتلكم شويه رخامه قسم الغلاسه على النايمين

لو مثلا صاحبك او اخوك نايم وانت مرارتك مفقوعه منه ادخل افتح نور الاوضه اللى هو
نايم فيها و وانت خارج ماتنساش تقفل الباب علشان مهما نده على حد يطفى
النور ماحدش يسمعه وبكده يصحى غصب عنه

لو حضرتك قاعد على الكمبيوتر وجالك مزاج تسمع اغنيه ماتشغلش
ال Head Phone والكلام الفارغ ده .......لأ منك لل Subwoofer على طول واعلى صوت يا
معلم ويا سلام لو الاغنيه دى تنطيط وكده يعنى Hip-Hop مثلا او يا سلام لو Metal وبالذات ال Black Metal
علشان يصحي ع الصويت و يتقرف في عيشته ولو نام تاني تجيله كوابيس

ومتنساش ان الصب يكونوا عاليين ع الاخر
ويا ريت لو عند لاب توصلهم بيه احسن عشان تتنقل به في قوضته احسن

بعد كدة لو لقيت صحراء برده
ولسة ماصحيش
اسمعموا نصيحه اختكوا :
تجيب كوبايه ميه وهو فى عز نومه تقوم واخد حبه وراشش عليه واطلع اجرى
علشان لما يصحى ميلاقيش حد بيرش عليه ...والمسكين هيفتكر نفسه يا اتهبل
يا اما السقف بتاع البيت بقى فى الطراوه وفى الحلتين تطلع انت براءه يا
بوب ولا كأنك عملت حاجه...وبردوا تبقى قرفته وطلعته مجنون

لو ده كله لقيتك بتأذن في مالطة برده
تروح تصحيه من النوم علشان تساله الساعه كام دلوقتى هيقولك مثلا
الساعه خمسه تقوله اه صحيح فعلا تصدق ان ساعتك طلعت مظبوطه
وبص بقي يا جميل علشان بقى تصحيه فعلا وتتاكد كده انه صحى وفاق وبقى ميت فل
وعشره تعمل ايه يا جميل
انت تكون قاعد وطافى
كل انوار البيت ومشغل فيلم رعب جامد زى Sight مثلا
وتقوم معلى الصوت على الاخر واول مايجى مشهد مرعب تفضل تصوت وتقول لالالالالالالالا حرام عليك
ارحمنى انا مش قدك يا لهوى يا مصيبتى الحقونى ...واول مايجى الشخص اللى انت
عايز تصحيه ويسالك فى ايه مالك تقوله ابدا اصلى كنت بتخيل المشهد اللى
ها ييجى بعد ده وبتخيل البطل كان هيعمل ايه يعنى ...روح نام روح ...وطبعا
مش هيروح ينام من فيلم صراع الطبقات اللى انت عاملهوله ده

ولو عايز تصحيه وتقهره على شبابه خليك كده Easy واطفى التليفزيون وخلى
جو البيت هدوء وباعلى صوت عندك زى اى بقره او جاموسه قول... التربتو
التربتو..... وطبل وسقف كأنك فى اجدع فرح لواحد قريبك وزغرط لزوم الشغل
بردوا .....وقول وعقبال عندك يا **** ....ونازله السلالم وقول كام اغنيه
كده واعمل كوكتيل جامد ...وغنيه بطريقه غبيه كانك بتتخانق ...لو
صحى وقالك فى ايه قوله ابدا بفكر ابقى مغني ....او ناوى اقدم فى
برنامج ستار اكاديمي
ودى بتكون نهايتك يا جميل
بصوا ياحلوين انا اه فعلا قولتلكم ازاى تقرفوا النايم بس انا مش مسئول عن اى اصابات هتحصلكم
لان رد الفعل هيكون شديد اوى يعنى لو جالنا عضو مره وايده مكسوره او رجله مكسورة او فيه اى اصابات
انا ما ليش دعوة
ههههههههههههههههههه