--------------------------------------------------------------------------------
مذكر!تـ طالب ثانوية عامة
*
*
*
فى الثانوية ذاكرت كانى ومانى
ومن العصبية سنانى وجعانى
حتى النوم مش طايله اه يانى
دخلت الامتحانات وكله فى التمام
رغم الاسئلة و علامات الاستفهام
بس جاوبت اجابة الحسام
وبالرعب والخوف النتيجة استنيت
وفى منامى بطب وصيدلة اتمنيت
وجات النتيجة وما اتهنيت
حذرونى كتير منك
وكلمونى عن ظلمك
بس ما حدش اداكى حقك
اتلحست يوم كتابة الرغبات
وعلوم حلوان فى اول الخانات
دلوقتى بقول غباء ومات
وقالولى يا عم بقيت طالب علوم
هتمشي وسط الناس مالى الهدوم
ومش كنت اعرف انى هشيل الهموم
دخلت الكلية برجلى ويارتنى ما دخلت
من يومها وانا اتبهدلت
يا كليتى يا حبيبة
ان شا الله تجيبلك مصيبة
وتخلصنا من الحياة الكئيبة
دخلت المعمل ومن اول يوم
وانا دايما بلف على محلات الهدوم
وفى البيت بقي يقع عليا اللوم
ودخلنا الدكتور الفلانى
وحسيت انه بيتكلم المانى
ما هو كل ده بسبب جنانى
وقالنا الكتاب بمبلغ وقدره
وبكل جبروت ملا صدره
اللى مش هيجيب الكتاب السقوط ده قدره
ودكتور عامل نفسه طيب
واتارى ده نظامنا المهبب
يخدعك وفى الاخر مش تقدر ليه تكدب
ودكتور تانى يمسك الكتاب زى الجرنان
ويقولك العلم غذاء العقول والابدان
وهو مش فاهم الفرق بين الطماطم والبتنجان
ودكتور تانى جاي بيهلوس
وتحس ان عقله فيه برج مهيس
يا سلام على فرن حلوان
تحت الشمس درجة الولاعان
وفجاة تلاقى نفسك فى حالة توهان
وفى وسط السكوت
تحس انك بتموت
وياقلبي يا كتاكت
يا ما انت شايف وساكت
طوال السنة بنشترى فى ورق
لحد ما درج المكتب اتزنق
ومن شكل المنهج جالي قلق
وليلة الامتحان يا سلام على التوهان
ورق ورق في كل مكان
وعقلي هيشد من الجنان
وعالم يطلع لك من كل زمان
حبكت يا جلفانو تاكل ضفادع
وبالكهربية تعملى صداع فاجع
وانت يا عم نيوتن يا بتاع التفاح
لما وقعت للجاذبية لقيت المفتاح
وخليت ابراج عقلي فى الهوا طاح
وانت يا بشمهندس ارشميدس
بقانون الطفو عملت دماغى اديداس
ومن فقاقة المسائل جالى الهيس هاس
وكان نافوخى اتقفل بترباس
ومش بقيت اعرف الفرق بين الاناناس والقلقاس
صحيت الصبح قلت صباح الفل
على عيونك يا ست الكل
ظبطينى بدعوتين ومش تنسي النية
وادعى لصحابي عشان ابطل انانية
رحت الكلية قابلت فلان وعلان
والكل من قلة النوم جاله جنان
وعيون مبحلقة فى كل مكان
دخلت الامتحان وخدت الصدمة
تحس انك بتجاوب فى ورق لحمة
مش مهم يا عم المهم الطبخة
خرجت من الامتحان اخر انشكاح
وشربت لى عصير تفاح
اهو امتحان هم وانزاح
وادى الاجازة مشرفين فى البيت
ولانتظار النتيجة انا مليت
ربنا يستر عشان انا عكيت
قووووووووووووووووولوووووووووووووووووا آمين يا مؤمنين
الرئيسية 
الجمعة سبتمبر 04, 2009 2:02 pm