تخيلوا اتنين سمعهم تـقيل بيتكلموا مع بعض!! تعالوا نشوف.
اتتين سمعهم تقيل جداً واقفين على محطة الأتوبيس ودار بينهم الحوار التالي :
الأول : الأتوبيس ده بيروح مــصر الجديدة؟
الثاني : ع الحديدة !!... ليه انت طالب احسان ؟
الأول : بذرة الكتان !! لا ..دي تلاقيها عند العطار
الثاني : جزار!! اه ..قوللي كدة .. عايز تشتري لحمة
الأول : معك حق.. الدنيا زحمة ..عشان ده معاد خروج الموظفين
الثاني : نور الدين !! لا والله .. ماعرفوش
الأول : ما بتشربوش!! ليه ..كفا الله الشر
الثاني : راس البر !!! ..دة مــصيف هادي
الأول .: عايز تركب للمعادي... دي منطقة جميلة
الثاني : بليلة !! انت شكلك كده جعان
الأول : عيان!!! أه والله .انت باين عليك عيان ..طب ما تروح للدكتور
الثاني: الحنطور!! دة أحسن م الأتوبيس ، وبيوصلني لحد الباب
الأول : هبــــاب !!! وانا اللي كنت فاكرك محترم
الثاني : اتخـرم !! هو مين ؟؟
الأول : عاوز إسـبرين ! ليه انت عندك صداع ؟
الثاني : قراع !!! ينهار اسود . دة مرض خطير
الأول : فطير !!! لا والله مش عايز. وبعدين مش بحب الفطير. تقيل ع المعدة وتمنه غالي
الثاني: خالي !!! انت تعرف خالي ؟ ده راجل كبير ف السن
الأول : الجن !!! نهارك مش فايت ..انت عليك عفريت .!؟
الثاني : لا والله ..ممعاييش.. انت عايز كبريت ليه ؟ عايز تولع؟
الأول : أدلع !!! أدلع عليك انت!؟ انت ما تملاش عنيا
الثاني : قبضوا عليا !! ليه !؟
الأول : انت غريب يا راجل انت..شكلك شحات ، (زقه م القميص) روح اشتغل شغلانة تاكل منها عيش
الثاني : خيش !!! والله دة صوف انجليزي
الأول: بنتك زيزي !!! ربنا يخلي...
الثاني : إنتاج محلي !!!! دة مستورد
يمر شاويش من بتوعنا ... يلفت انتباهه الحوار، : بتعمل ايه يا جدع منك له!!!
الاتنين: أيوة يا شاويش ...احنا مستنين الأتوبيس
الشاويش :جواسيس !!!! نهاركوا مش فايت ....قدامي ع القسم منك له
الرئيسية 
الثلاثاء سبتمبر 22, 2009 10:08 pm